Konsidere Declarasyon Inivèsèl dwa Moun ki rekonèt dwa chak moun genyen pou jwenn ledikasyon ;
Konsidere moun ki pa konn li ak ekri yo se yo menm ki pi pòv sou tout tè a ;
Konsidere wol ROTARY ENTENASYONAL jwe nan plizye pwogram ki gen karakte sosyal tankou derasinen maladi Polyo nan lemonn ;
Konsidere nan reyinyon Fevrye 2003, Konsèy Santral ROTARY KLIB ENTENASYONAl te deside ankouraje klib yo ak Distri yo pou kontinye fè pwogram alfa a kontinye pou pi douvan ;
Konsidere ROTARY ENTENASYONAL bay tèt li nan batay kont analfabetis la pa mwayen metòd CLE (Concentrated Learnig Encounter) ;
Konsidere ROTARY ENTENASYONAL konsakre mwa Jiyè kòm mwa Rotaryen pou Alfabetizasyon ;
Konsidere inisyativ Rotary klib Ayiti yo nan lane 1998 pou te mete sou pye yon pwogram ki rele Rotalpha (Wotalfa );
Konsidere bon rezilta pwogram Rotalpha a bay ;
Nou kwe soudevlopman peyi Ayiti a makonnen ak sityasyon pifo moun pa konn li ak ekri ladann ;
Akoz soudevlopman an, yo riske mete Ayiti sou kote pi plis sou plan entènasyonal ;
Nou kwe kom pwofesyonèl, komèsan, endistriyèl alfabetizasyon an se yon bagay ki enpòtan anpil, ijan, an menm tan e se yon bagay nou bezwen jwenn yon repons rapid pou li ;
Nou kwe pwoblèm pa konn li ak ekri a fè Ayiti pèdi yon pakèt resous ;
Rekonèt systèm edikatif Ayisyen an vrèman ap degrade ;
Rekonèt metòd Wotalfa itilize (CLE) kapab pèmèt moun konn li ak ekri nan mwens yon lane;
Nou menm, Wotaryen ak Wotaryèn nan Rotary klib nan Petion-Ville, nou angaje n pou nou fè tout moun k ap travay lakay nou, nan antrepriz nou rive konn li ak ekri, avan fen ane 2004, alonè bisantenè nou. N ap envite sektè prive a nan tout entegralite l a fè menm jan an.
Petion-Ville 22 Jiyè 2003
DeclarationEngagement en francais